الاسلام منهج حياة مش فرض حجاب

انا مؤمنة بان الاسلام منهج حياة
مؤمنة بضرورة تطبيق الشريعة مش بس لانها امر الله اللى هيسعد اخرتنا
لكن هو ده النظام اللى وضعه لتسيير الكون اللى هو خلقه وهو اعلم بيه
مؤمنة بأنه واجب عالدولة منع الفواحش!وأن المفروض نص مشاهد افلام خالد يوسف دى تتمحي!
مؤمنة بتجريم شرب الخمر لأن مش شايفة فرق بينها وبين المخدرات..الاتنين خطر عالمجتمع! بس ياريت الاول نمنع الحشيش اللى بقى عامل زى السجاير ده!
مؤمنة بضرورة وجود سياحة محافظة او اسلامية ايا كان!وانه مش من حق الاجانب ييجوا يقلعوا فى بلدنا! وانه نفرض قيم مجتمعنا على كل اللى حابب يزورها !
كل اللى فات ده له احكام واضحة فى الشريعة..وكمان مايعتبرش حرية شخصية لانه بيضر المجتمع بشكل او باخر!
لكن فكرة ان يبقى كل حاجة فى الدين بالاجبار مش مقبولة ابدا !والا نبقى مسلمين ازاى!
معنى انك تفرض الحجاب او تجبر الناس عالصلاة اوالصيام مادام وقعو تحت ايد الشرطى اللى هيمسكهم فى الشارع!
يبقى انت مش بتغير قناعته ولا بتهديه انت بتشجعه انه يبقى منافق لانه هيفضل يمارس المعاصي دى "مادام ما اقتنعش"بس هيتظاهر امام الناس بالطهر والعفة.
غير انك بتسئ للدين لأنك بتظهره كدين ضعيف يجبر بعض اتباعه البعض الاخر على التزامه دون اقتناع رغم ان ديننا دين "اقرأ-افلا تتفكرون-أفلا تعقلون"
فالأفضل انك تحارب الفكرة بالفكرة....انه مثلا لما تظهر روايات هابطة قدم بديل واعمل روايات هادفة.....مش تمنع الهابطة...فتخلق مجموعة مكبوتين جدد يكسبوا عطف مجموعة جديدة
انه لما الناس تبعد عن الله يبقى تجتهد فى الدعوة وتكثر من خطب الوعظ!
انه تعمل زى ماحصل فعلا فى موضوع الحجاب فى مصر ......"بعد سنوات الاحتلال والحكم العثمانى اللى توجه اتجاه علمانى فى اواخر عهده .وظهور تيارات علمانية"بالمعنى الدينى مش السياسي" وبالتالى تأثر المجتمع بيها وتأثر كتير من بنات مصر بالاجنبيات وتراجع الحجاب......مارجعش الحجاب تانى لما ظهرت جماعات التكفيروالهجرة مثلا.....لا رجع لما اجتهد علماء اسلاميين فى الدعوة وانتشرت البرامج الدينية وبدأ الناس تهتم بسماع الشيوخ واحكامهم الفقهية "يعنى الدين النصيحة مش الاجبار
وبردو موضوع ان الحجاب بقى مجرد طرحة ومن تحت هشك بشك ده ظهر بسبب اجبار مجتمعى فمابالك لو بقى اجبار سلطوى من الدولة !! (الحتة دى صعبة ويطول شرحها )
المهم ان سيدنا محمد صلى الله عليه وسلم لخص ديننا ده كللللله فى جملتين كل جملة كلمتين: "الدين المعاملة" و "الدين النصيحة"
....انا رغيت كتير وعارفة ان ماحدش هيقرا بس انا بكتب لنفسي اصلا :))

عن الهى وعنى

_ليس هدف الدين هو اداء العبادات وانما هدفه القرب من الله ,الصلة معه,تخشاه ولكن حقا تحبه اكثر مما تخافه.
_العبادات هى الوسيلة للقرب ان فقدت لذتها وشوق بلوغ الهدف_ وهو القرب_ اضلت صاحبها واثقلته فيفقد هدفه ويجد نفسه كلما تزود منها ازداد بعدا,وانت لاتفقد هذه اللذة ابدا ما دمت تحب من تؤديها لاجله,وان تعلم انها ليست بكثرتها وانما بعمق ماتتركه فى نفسك.
_علاقتك بالله سرية وعباداتك من صلاة وصوم هى الطريق فلا تتباهى وانت تسير فى الطريق وتجمع انظار الناس اليك فتنفض عنك تلك السرية بما فيها من قدسية لوقوعك فى شرك الرياء.
_لا تتخفى وانت تعبده خشية ظنون الناس ولا تسير فيهم تعلمهم بما تتعبد به لربك.....فكلاهما رياء!!!
فلا تصلى لله خفاء ,ولا تذكرها للناس علنا.....ذكر من حولك بالله دون ان تسفه الامر وتجعله كمادة دعائية تود نشرها على اكبر عدد فهذا يسئ اكثر مما يجمل.
لا تفكر وانت تعبد ربك سوي بربك.
AYA

اخلص على ابن عمى وبعدين اشوف الغريب

1-فى محاولات كتير لخلق احتكاكات بين الاخوان والثوار فى الميدان طبعا عشان الاخوان ماكانش ليهم وجود فى احداث نوفمبر وديسمبر وكمان نازلين يحتفلوا فالميدان......ورأيى ان اللى بيشعلل الاحتكاك ده تحريات ومخبرين وجايز احزاب عاوزة الدنيا تولع غيظا فى البرلمان ده غير الكلام اللى مالوش معنى بتاع صفقة وماصفقة

2-الاخوان بيردو القلم لولاد التيت ""اللى كانو هاريننا مطالبات بتأجيل الانتخابات عشان التيار الاسلامى ما ينجحش "" بانهم يرفضو الخروج عن الجدول اللى المجلس حاطه!!ويوافقوا على دستور تحت العسكر (ده لحد دلوقتى جايز يغيروا رأيهم)

س-طب بالنسبة ان ده ضد مصلحة البلد ..وان ده هيخللى العسكر يركبنا؟؟ "السؤال للاخوان و لكل الاحزاب والنخبة"

ج-لامش مهم احنا نخلص على بعض الاول ونشوف مين هيكسب وبعد كده نبقى نفضى للعسكر على نضافة

انا: عند امه يا ادهم !! على ما ده يحصل هنكون لبسنا

الامل:العسكر هيضرب الكل ....وارتنا هنتلم ضد نفس الظالم....طب ماكان من الاول يابقر

مذكرات مفكر: حريم الفراعين

الرجالة وصلو يامصر

مذكرات مفكر: حريم الفراعين: ذهبت فى يوم إجازتى ، الى المقهى التى تعودت على ارتيادها لأقابل أصدقائى . و كعادة المصريين لا يخلو كلامهم من الكورة ، أو السياسة . و بما أن ل...

قنابل ملوتووف بلطجية الداخليه بمديرية امن الاسكندريه

كده يبقى موضوع ان الداخلية مجندة بلطجية زى ما اتنشر فى جرنان التحرير صح
بس ايه الهبل ده بيتصوروا كمان؟!!! فى حاجة مش مزبوطة بتتدبرلنا

ما يحدث في مصر في دقيقتين ..

ثبت صحة تحليل هذا الرجل فى فبراير2011 ومعنى هذا ان النظام الذى يجب ان يسقط هو نظام 52 وليس نظام مبارك الذى ماهو الا جزء من عقلية عنيدة متعالية متعطشة للسلطة

البديل | البديل » أحمد سمير: عزيزي عضو المجلس العسكري.. اضرب بالنار

البديل | البديل » أحمد سمير: عزيزي عضو المجلس العسكري.. اضرب بالنار

أحمد سمير: عزيزي عضو المجلس العسكري.. اضرب بالنار

elbadil | November 23, 2011 | التصنيف : رسائل ودراسات, هايد بارك

185

عزيزي عضو المجلس العسكري:

ضرب خمسين دفع بخمسين ألف في نفس اليوم إلى الميدان.. هل تتصور أن قتل خمسين منا سيدفعنا للرحيل.

عزيزي عضو المجلس العسكري:

ترغب في أن تعرف ماذا نريد، نريد ألا نضرب وألا تفرق اعتصاماتنا بالقوة، الأمر بسيط كما ترى، اعتقد هذا مطلب سياسي واضح.

شخصيا نزلت عندما عرفت بفقدان احمد عبد الفتاح لعينه، فعيوننا أهم من الحل السياسي.. العين أهم من الدستور، العين أهم من الانتخابات، العين هي ما سنرى به مستقبلنا.

عزيزي عضو المجلس العسكري:

بعد ما شممت كل أنواع الغاز من أول الثورة .. أؤكد لك.. الغاز لا يفرق متظاهرين، لا تراهن كثيرا على الغاز، فكما نعرف جميعا.. الكيميا غدارة يا صاحبي، فإن كنا لا نرى الغازات التي تملا الميدان لكن ذلك لا يفيدكم فنحن أيضا لا نرى الحرية.

لم أرى الغاز الذي خنقنا في التحرير واصدق أنكم لم تطلقوا علينا شيئا، ربما هي رائحة جثث من قتلهم العسكر منذ عام 1952 وحتى الآن.

عزيزي عضو المجلس العسكري:

أنا واحد ممن رددوا يوميا الانتخابات الانتخابات، ولكن الانتخابات ليست كرنفال لتعيين سكرتارية للمجلس العسكري.

قلتم ستة أشهر فسكتنا، قلتم سنة فسكتنا، قلتم حتى 2013 فسكتنا، الآن تتحدثون عن مجلس لا ينتخب مجلس وزراء ورئيس لا يعلن حرب، وعسكر يحمون المدنية، وسحل اعتصاماتنا و محاكمات عسكرية للمتظاهرين.. ده كتير يا صاحبي.

كلنا نعلم أن رئاسة في يونيو تعنى تحقيق هدفكم.. دستور يكتب في وجودكم لتمرروا مواد تحول المنتخبين لسكرتارية لديهم.. على جثتنا.

لن أثرثر كثيرا..على جثتنا..وربما سيكون هناك بضعة عشر جثة أخرى أيضا.

اللواء الفنجرى يقول لنا هل يعقل أن تطالب برحيل أبوك وهو يزوج بنته .. ولكن مواد العسكرة وتأجيل انتخاب رئيس تعنى أن الأب يتزوج من بنته.

عزيزي عضو المجلس العسكري

ما تريده لن يحدث..اضرب بالنار.. لم أصل الجنازة على خمسة جثث في التحرير لأمرر حلا سياسيا يعيد إنتاج ما كنا نحيا فيه.. لا تعنينا كثيرا العاب إسلامي ليبرالي التي نشاهدها في التلفاز.. نعلم أننا نتفق إجرائيا ونعلم أن رصاصكم لا يفرق بين مينا دانيال و كريم بنونه.

التحرير ورقة ضغطنا الوحيدة.. من يقف و كتفي في كتفه في التحرير سيحمى الثورة.. الخطر على الانتقال الديمقراطي من العسكر وليس من تجمع لمتظاهرين سلميين.

عزيزي عضو المجلس العسكري:

نحن في الميدان.. نحن ننتصر. .الحكم المدني المنتخب قادم.. والعسكر سلطانهم انتهى.

كل السيناريوهات ستنهى حكمك.. إجراء الانتخابات أو تأجيلها..

ربما تملك الحل، تملك إجراء انتخابات الرئاسة والبرلمان.. تملك كتابة الدستور، ولكننا الأقوى لأننا لا نملك ما نخسره.

عزيزي عضو المجلس العسكري:

انتخابات البرلمان خطوة كما أن الرئاسة خطوة ودستور بلا سلطة للعسكر خطوة .. هذه هي الديمقراطية.

اعلم أننا لا نملك خطه لتمرير مشروعنا الديمقراطي..لكنك لم تعد تملك خطه لتمرير مشروعك لعسكرة الدولة.. حتى في أزمتنا نحن أقوى منكم.

عزيزي عضو المجلس العسكري:

كان بإمكانكم العودة لخطة انتخابات شعب وبعدها بشهر انتخابات رئاسة التي سبق أن وعدتم بها بعد الاستفتاء لكنكم تريدون الحكم .. ادفعوا إذن ثمن ما تريدون.. اعتقد أنها معادلة بسيطة وعادلة..

عزيزي عضو المجلس العسكري

عايزين إيه تانى خربتوا البلد